GM modellari AQShda eng sifatli avtomobillar reytingida yuqori o‘rinlarni egalladi
AQShning Strategic Vision kompaniyasi avtomobillar sifati va xaridorlarning qoniqish darajasi sohasida tadqiqot o‘tkazib, Total Quality Index yillik reytingini e’lon qildi, deb xabar bermoqda “Segodnya.ua”.
Unga ko‘ra, talabchan amerikalik iste’molchilar Fiat Chrysler Automobiles, Volkswagen va General Motors konsernlarining modellariga sodiq ekanligi ma’lum bo‘ldi. Qayd etilishicha, Fiat Chrysler Automobiles birinchi marta bunday yuqori o‘rindan joy olgan.
GM mahsulotlaridan Chevrolet Colorado yana bir marta eng yaxshi pikap deb topildi. GMC Sierra 2500/3500 og‘ir pikaplar reytingini boshqargan bo‘lsa, Chevrolet Corvette convertible premium klassdagi eng yaxshi kabriolet deb topildi. Reytingning turli yo‘nalishlarida konsernning boshqa avtomobillari ham g‘olib bo‘lgan.
