Olimlar Iskandar Zulqarnayn otasining qabri qayerda joylashganligini aniqladi

Yevropa olimlari mashhur antropolog Xuan-Luis Arsuaga boshchiligida Iskandar Zulqarnaynning otasi Filipp II Vergina shahrida joylashgan qadimiy mozordagi birinchi qabrga ko‘milganligini isbotlashga urindi. Bu haqda Proceedings of the National Academy of Sciences jurnali xabar beradi.

1977-yilda gretsiyalik olimlar uchta sag‘anani qazib ochgan. Bosqinchilar tomonidan teginilmagan, qurol-yarog‘ va oltin buyumlar bilan to‘ldirilgan ikkinchi qabr “qirol maqbarasi” nomini olgan va olimlar undan Filipp II ning suyaklarini qidirib topishga uringan. Devorlari freskalar bilan bezatilgan birinchi qabr bosqinchilar tomonidan talab ketilgan.

Arsuaga va uning hamkasblari fikricha, boshqa arxeologlar birinchi sag‘anaga e’tibor qaratmagan. Bundan tashqari ular eramizdan avvalgi 339-yilda Filipp II skiflarga qarshi yurish chog‘ida yaralanishi natijasida oqsab qolganligi qayd etilgan qadimgi manbalar haqida o‘ylab ko‘rmagan. Faqat birinchi maqbaradan topilgan erkak suyaklarida oyog‘idan jarohat olganlik belgilari ko‘rinadi. Uning bo‘yi va yoshi ham tarixchilarning Makedoniya podshosi haqidagi tasavvurlariga mos keladi.