KXDR va Janubiy Koreya Keson qo‘shma hududini boshqarish masalalarini muhokama qilmoqda

KXDR va Janubiy Koreya davlati vakillari 16-iyul, payshanba kuni Keson qo‘shma sanoat kompleksida ishlovchi shimoliy koreyalik ishchilar maoshining minimal miqdori masalasidagi muzokaralarni boshladi. Bu haqda “RIA Novosti” xabar beradi.

2014-yilning iyun oyidan buyon birinchi marta qo‘shma kompleks boshqaruv komiteti tarkibiga kiruvchi ikki davlat vakillarining uchrashuvi tashkil etildi.

Joriy yilning fevral oyida Pxenyan sanoat hududidagi shimoliy koreyalik ishchilarning oylik maoshini 5,18 foiz — 74 dollargacha oshirish to‘g‘risida bir tomonlama qaror qabul qilgan edi. O‘z navbatida, Seul qarorni 2014-yildagi kelishuv qoidalarini buzish, deb hisobladi. Unga ko‘ra mehnat uchun haq to‘lash yuzasidan har qanday o‘zgartirishlar ikki tomonlama ma’qullanishi lozim.

Hozirgi paytda Kesonda 55 mingga yaqin shimoliy koreyalik ishchilar va 120 ta Janubiy Koreya kompaniyasi faoliyat yuritmoqda.