2015-yilning 13-iyul kuni O‘zbekiston Respublikasi Davlat raqobat qo‘mitasida Xalqaro moliya korporatsiyasining (XMK) Yevropa, Markaziy Osiyo va Yaqin Sharqdagi Moliya sektori investitsiyalari bo‘yicha Bosh mutaxassisi Nataliya Bogomolova boshchiligidagi delegatsiyasi a’zolari bilan uchrashuv bo‘lib o‘tdi. Bu haqda Davlat raqobat qo‘mitasi matbuot xizmati xabar bermoqda.
Uchrashuvda Davlat raqobat qo‘mitasi raisi Davron Xidoyatov, O‘zbekiston Respublikasi Markaziy banki raisi o‘rinbosari Ahadbek Haydarov hamda qo‘mitaning mas’ul hodimlari ishtirok etdi.
Tashrifning maqsadi: Davlat aktivlarini, shu jumladan, moliya institutlaridagi davlat ulushlarini xususiylashtirish jarayonlarida XMKning maslahatchi yoki investor sifatida ishtiroki masalasi muhokama qilindi.
XMK vakillari Respublikada kechayotgan xususiylashtirish jarayonlarida maslahatchi yoki investor sifatida ishtirok etishga tayyor ekanliklarini ma’lum qildi. Shu bilan birga, ushbu jarayonda korxonalar va banklar faoliyatlarini chuqur o‘rganish lozimligi hamda ushbu o‘rganishlar asosida strategik investorlar uchun takliflar tayyorlash mumkinligi ta’kidlab o‘tildi.
Uchrashuv yakunida tomonlar bir qator banklarda uchrashuvlar tashkil etish hamda yaqin orada XMK mutaxassislari ushbu moliya institutlariga tashrifi amalga oshirilishi hamda yo‘l xaritasini tayyorlashga kelishib oldi.
Izoh (0)