Dehli milliy poytaxt hududi politsiyasi Xalqaro yoga kunini nishonlash arafasida yuqori xavfsizlik choralarini joriy qildi, deya xabar bermoqda “TASS” Dehli politsiyasi boshlig‘i Bxim Sain Bassiga tayanib.
Uning aytishicha, asosiy tantanalar bo‘lib o‘tadigan Nyu-Dehli markazidagi Rajpatx tumanida kamida besh ming nafar politsiyachi navbatchilik qiladi. Bundan tashqari, u yerga 350 ta videokuzatuv kameralari o‘rnatildi.
Avvalroq Hindiston razvedkasi havodan terrorchilik hujumlari bo‘lishi xavfi haqida ogohlantirgan edi.
21-iyun, yakshanba kuni Rajpatxda 40 ming kishi to‘planadi, ular orasida bosh vazir Narendra Modi ham bo‘ladi. U tantanali nutq so‘zlaydi.
Izoh (0)