Tel-Avivdagi Ben-Gurion xalqaro aeroporti yer usti xizmatlari “Boing 737-800” yo‘lovchi samolyotining avariyaviy qo‘nishiga hozirlik ko‘rmoqda, deb yozadi “TASS”.
Qator OAVlar ma’lumotlariga ko‘ra, bunda gap El Al kompaniyasining Toshkent vaqti bilan 9:20 da Pragaga uchib ketgan samolyoti haqida bormoqda. Bortdagi yo‘lovchilar soni 174 kishi deb baholanmoqda.
Samolyot uchib ketgach, uchish-qo‘nish yo‘lagida aniqlangan samolyot shassisi bo‘laklari tufayli ekipaj Tel-Avivga qaytishga qaror qildi. Havo bandargohiga o‘nlab tez yordam karetalari, qutqaruv xizmatlari otlanmoqda.
