Osiyo chempionati saralash guruhida O‘zbekiston U-23 terma jamoasi ikkinchi o‘rinda bormoqda

Bangladeshda U-23 yoshlar o‘rtasidagi Osiyo chempionatiga saralash bosqichi davom etmoqda, deb xabar berdi “Olamsport”.

Baxtiyor Ashurmatov boshchiligidagi jamoamiz Bangladeshni 4:0 hisobida taslim qildi. Ilk turda yoshlarimiz Hindistonni 2:0 hisobida mag‘lub etishgandi.

Dastlabki ikki turdan so‘ng Suriya yoshlari to‘plar nisbatiga ko‘ra birinchi o‘rinda. O‘zbekiston ikkinchi o‘rinda. So‘nggi turda aynan shu jamoalar o‘zaro o‘yin orqali guruh g‘olibini aniqlab olishadi.

10 ta saralash guruhida birinchi o‘rinni olgan jamoalar Qatarda bo‘lib o‘tadigan Osiyo chempionatiga yo‘llanma oladi. Guruhlarda ikkinchi o‘rinni olgan eng yaxshi ko‘rsatkichga ega 5 ta jamoa ham qit’a chempionati final bosqichiga yo‘l oladi.