Lesterda Angliya qiroli Richard Uchinchi qabrini ziyorat qilish uchun uzun navbat tizildi, deya xabar bermoqda “Exo Moskvi”. Bu yerga ming kishi tashrif buyurgan bo‘lib, navbatda to‘rt soat davomida turilgan.
Shu munosabat bilan Lester sobori rahbariyati mahalliy fuqarolardan boshqa kuni kelishni so‘ragan.
Plantagenetlar sulolasining so‘nggi vakili Richard Uchinchini qayta dafn etish marosimi yaqinda boshlandi. Qirolning jasadi u bundan 530 yil avvalgi urushda halok bo‘lgan joyga olib kelindi. Richard Uchinchi 26-mart, payshanba kuni qayta dafn etiladi.
Nashrning eslatishicha, uning skeleti uch yil avval mahalliy mashinalar to‘xtash joyi tagidan topilgan edi.
Izoh (0)