AQSh Markaziy razvedka boshqarmasi direktori Jon Brennan muassasa tarixidagi eng yirik islohotlar boshlanganini ma’lum qildi, deb xabar bermoqda “Vedomosti”.

Qayta tashkil etish vazifalarning kengroq doirasini yechish lozimligi va texnika yutuqlarining kuchli ta’siri tufayli amalga oshiriladi. Islohot rahbariyatning javobgarligini oshirib, internet orqali samarali ishlash uchun boshqarish imkoniyatlarini ko‘paytiradi.

Eng katta yangilik tahlilchilar va operatsiyalar rahbarlarining birgalikdagi ishini tashkil qilish bo‘ladi. Qayd etilishicha, hozirda ular bir-biri bilan aloqa qilmasdan ishlamoqda. Bundan tashqari, kibertahdidlar masalasiga ko‘proq e’tibor qaratiladi.