Qozog‘istondagi Burabay kurortida voyaga yetmagan qizni avtomobilda urib ketib, uning nogiron bo‘lib qolishiga sababchi bo‘lgan O‘zbekiston fuqarosi 500 ming tenge miqdorida tovon to‘lab, ma’naviy zararni qoplaydi. Bu haqda sud qaroriga tayanib, “Novosti-Kazaxstan” xabar berdi.
Sud hujjatlarida ko‘rsatilishicha, 2013-yil 11-oktabrda O‘zbekiston fuqarosi “Mazda 626” avtomobili bilan voyaga yetmagan qizni urib yuborgan. Burabay tumani ma’muriy sudi haydovchini 15 sutkaga qamab, 2 yilga transportni boshqarish huquqidan mahrum qilgan.
Qizning vasiysi sudga arz qilib, YTH natijasida nevarasi ikkita operatsiyani boshidan kechirgani, bir yildan ortiq vaqt davomida qo‘ltiqtayoq bilan yurgani va javobgar hech qanday yordam ko‘rsatmaganini aytgan.
Izoh (0)