AQShning Vayoming shtatida yashovchi mahalliy shifoxonaning ruhiy xasta bemori Oq uyni portlatish va Barak Obamani o‘ldirish bilan tahdid qilishda ayblandi. Bu haqda The Casper Star-Tribune xabar beradi
OAV xabarlariga ko‘ra, Devid Dueyn Perri ismli kishi 24-yanvar kuni qutqaruv xizmati raqami 911 ga qo‘ng‘iroq qilgan va davlat rahbarini o‘ldirib, Oq uyni portlatmoqchi ekanligini xabar qilgan. Bundan tashqari, u tibbiy muassasadan chiqqanidan keyin, kasalxona xodimlarini ham o‘ldirishini aytgan.
Perri bilan suhbatlashgan operator yozib olingan telefon suhbatini maxsus xizmat xodimlariga topshirgan. Ular, o‘z navbatida, tergov boshlab, erkakni qo‘lga oldi. 2-fevral, dushanba kuni Vayoming shtati poytaxti Shayen shahrida sud bo‘lib o‘tdi va Perrini 45 kunga kasalxonaga qaytarish to‘g‘risida qaror chiqarildi. Prezidentga yo‘naltirilgan tahdidi uchun u 10 yilgacha ozodlikdan mahrum etilishi mumkin.
Ma’lumot uchun, Perri 1999-yilda ham bir qator og‘ir jinoyatlar sodir etgan. U o‘qotar qurol bilan hujum qilganligi tufayli sudlangan.
