Yashil qit’ada Avstraliya va Quvayt terma jamoalari o‘rtasidagi o‘yin bilan Osiyo Kubogi musobaqasiga start berildi. O‘yin maydon egalarining 4:1 hisobidagi g‘alabasi bilan yakunlandi, deb xabar bermoqda “Uff.uz”.
Uchrashuvni maydon egalari juda faol boshlashdi. Shu bilan birga kuvaytliklar ham qarshi hujumlarda xavfli harakat qilishyapti. Ana shunday qarshi hujumlardan biri mehmonlarning burchak to‘pi ishlashi bilan yakunlandi. Burchak to‘pidan Quvayt unumli foydalanib, hisobni ochishga muvaffaq bo‘ldi.
Osiyo Kubogining ilk gol muallifi − Quvayt terma jamoasi a’zosi Husayn Fathi bo‘ldi. Goldan keyin Avstraliya hisobni tenglashtirish uchun oldinga tashlandi. Ana shunday hujumlarning birini gol muallifi Husayn Fathi qo‘pollik bilan to‘xtatib qoldi. Uchrashuvni boshqarib borayotgan hamyurtimiz Ravshan Ermatov Fathiyni sariq kartochka bilan ogohlantirdi.
Avstraliya tinimsiz hujumlar natijasida hisobni tenglashtirishga muvaffaq bo‘ldi. Gol muallifi − Tim Keyxil. Birinchi bo‘limning oxirlariga kelib mezbonlar hisobda oldinga chiqib olishdi. O‘ng qanotdan jarima maydonchasiga tashlab berilgan to‘pni Massimo Luongo boshi bilan darvozaga aniq yo‘llab, jamoasini hisobda oldinga olib chiqdi.
Ikkinchi bo‘lim ham “sokkeruz”larning hujumlari bilan boshlandi. Ammo Quvayt bu hujumlarni qiyinchilik bilan bo‘lsa ham bartaraf qilib turibdi. Avstraliya termasi sardori Yedinak penaltidan gol kiritib, hisobni 3:1 ga yetkazdi. Ravshan Ermatov tomonidan uchrashuvga qo‘shib berilgan vaqtda Troysi 4-golni kiritib, o‘yindagi yakuniy hisob 4:1 bo‘lishini ta’minladi.
Shu tariqa ilk o‘yinda Avstraliya Quvayt ustidan g‘alaba qozonib, uch ochkoga ega bo‘ldi va ertangi o‘yingacha guruhda 1-o‘ringa chiqib oldi.
Osiyo Kubogi. “A” guruhi
Avstraliya – Quvayt 4:1
Gol: T. Keyxil (33), Luongo (44), Yedinak, (61 pen), Troysi (90+1) - Husayn Fathi, 6
Avstraliya: Rayan, Bexich, Shpiranovich, Franich, Seynsberi, Yedinak, Keyxill, Luongo, Kruz, Troysi, Lekki.
Quvayt: Yussef, Al-Ansari, Maksid, Fathiy, Al Xajeriy, Al Qaxtoni, Al-Xendi, Sulton Al Enaziy, Al-Mashaan, Nada, Zayd Al Xarbi.
Izoh (0)