Rossiyaning Moskva shahrida shaxmat bo‘yicha T.V. Petrosyan xotirasiga bag‘ishlangan XXIX turnir davom etmoqda. Unda o‘smirlar va qizlar “A” va “V” guruhlarida dona surishyapti. Bu haqda “Olamsport” xabar berdi.
64 nafar shaxmatchi ishtirok etayotgan “A” guruhida hamyurtimiz maktab o‘quvchilari o‘rtasida 2014-yilgi jahon chempioni Javohir Sindorov (2111) ham o‘z imkoniyatini sinovdan o‘tkazmoqda.
6-tur uchrashuvida Javohir Sindorov o‘zi singari 3 ochkoga ega bo‘lib turgan turkiyalik Ulker Tolga (1793) bilan hisob-kitob qiladi. Javohir oq donalarda harakat qiladi. Turnir jadvalida ikki nafar rossiyalik shaxmatchi – Konstantin Savenkov (2363) va Ivan Yeleskiy (2315) yuz foizlik natija bilan peshqadamlik qilishyapti.
Izoh (0)