AQSh prezidenti Barak Obama Kubaga tashrif buyurishi mumkin

Oq Uy rasmiy vakili Josh Ernst AQSh prezidenti Barak Obama yaqin orada Kubaga tashrif buyurishi mumkinligini ma’lum qildi, deb xabar bermoqda “Gazeta.ru”.

“Prezidentda shunday imkoniyat paydo bo‘lsa, u buni rad etmasligi kerak”, − dedi Ernst. Avvalroq AQSh va Kuba prezidentlari Barak Obama va Raul Kastro ikki mamlakat o‘rtasidagi iqtisodiy aloqalar tiklanganini tasdiqlagan edi.

Shuningdek, Gavana besh yil davomida hibsda saqlanib kelingan amerikalikni uch nafar kubalik ozod qilinishi evaziga qo‘yib yuborgan.