Artel kompaniyasining yangi P1 Mini smartfoni 345 ming so‘mdan sotila boshlandi

Artel kompaniyasi P1 flagman smartfonining kichiklashtirilgan versiyasini taqdim etdi. Bu haqda Mobinfo.uz sayti ma’lumotiga asoslanib “Parol” nashri xabar berdi.

Ushbu smartfon Artel P1 Mini deb nomlangan va unda 4 dyuym 800×480 pikselli displey, 1,3 GGs chastotaga ega ikki yadroli protsessor, 0,3 megapikselli old va 5 megapikselli orqa kamera, 512 Mb tezkor va 4 Gb ichki xotira (+MicroSD), 1600 mA·soat quvvatga ega batareya o‘rnatilgan. U ikki SIM-kartali va Android 4.2 operatsion tizimida ishlaydi.

Toshkent shahridagi “Fleshka” savdo majmuasida Artel P1 Mini smartfonini 345 ming so‘mdan xarid qilish mumkin. Eslatib o‘tamiz, ushbu majmuada Artel P1 flagman smartfoni esa 517 ming so‘mdan sotilmoqda.

Shuningdek, “Parol” nashrida quyidagi maqolalarni ham o‘qishingiz mumkin:

• Artel kompaniyasining yangi Neo smartfoni 300 ming so‘mdan sotila boshlandi;
• Mark Sukerberg: “Facebook Dislike — “yoqmadi” tugmasi haqida bosh qotirmoqda”;
• Bir urinish bilan barcha saytlardagi parollarni almashtirish dasturi taqdim etildi.