Qisqartirilgan linklarni kengaytirib beruvchi sayt ishga tushirildi

Internet sahifalarining qisqartirilgan linklarini kengaytirib beruvchi Unshort.me nomli sayt ishga tushirildi. Bu haqda Lifehacker.com xabar berdi, deb yozadi “Parol” nashri.

Hozirda Google’ning goo.gl, Tiny URL’ning bit.ly, Facebook’ning fb.me, Twitter’ning t.co va boshqa shu kabi linklarni qisqartirib beruvchi xizmatlar mavjud. Unshort.me sayti esa ushbu qisqartirilgan linklarning to‘liq ko‘rinishini namoyish qiladi va siz shunda qaysi sayt yoki manbani ochayotganingizni bilishingiz mumkin bo‘ladi.

Sayt ko‘rinishi sodda va unda linklarni kiritish uchun joy hamda Unshorten — “kengaytirilgan” tugmasi mavjud. Bunda qisqa linkni maxsus joyga kiritasiz va Unshorten tugmasini bosib, uning kengaytirilgan ko‘rinishiga ega bo‘lasiz.

Shuningdek, “Parol” nashrida quyidagi maqolalarni ham o‘qishingiz mumkin:

• Uznetda Google Play’ning Tas-IX tarmog‘idan o‘rin egallagan uchta nusxasi topildi;
• Smartfon yordamida olingan suratlar (02.12.2014).