Portugaliyaning sobiq bosh vaziri korrupsiyada ayblanib qo‘lga olindi

Portugaliyada rasmiylar mamlakatning sobiq bosh vaziri Joze Sokrateshni qo‘lga oldi. Bu haqda Portugaliya prokuraturasiga asoslanib Diaro de Noticias xabar bermoqda.

2005−2011-yillarda hukumatga rahbarlik qilgan Sokratesh 21-noyabr kuni Parijdan uchib kelgan vaqtda Lissabon xalqaro aeroportida qo‘lga olingan. U soliq to‘lashdan qochish, byudjet mablag‘larini noqonuniy o‘zlashtirish hamda korrupsiyada ayblanmoqda. Undan tashqari yana uch kishi qo‘lga olingani aytilgan.

Shuningdek, jamoat xavfsizligi politsiyasi, soliq va bojxona organlarining bir necha xodimlari ishtirokida turli joylarda qidiruv ishlari boshlangan.