Rossiyani xalqaro internet tarmog‘idan uzib qo‘yishlari xavfi mavjudligi ma’lum qilindi

Rossiya prezidenti yordamchisi Igor Shegolev Internetni boshqarish bo‘yicha butunjahon konferensiyasi (World Internet Conference) doirasida hukumat mamlakatning xalqaro internet tarmog‘idan uzishga yo‘l qo‘ymasligini ma’lum qildi, deb xabar bermoqda “Korrespondent.net”.

“Bizni ko‘pincha ‘Buyuk Rossiya devori’ orqali internetdan chegaralanib olishimizni aytib ayblashadi. Biz bunday qilmoqchi emasmiz. Boshqa tarafdan esa internetning Rossiya segmenti tashqaridan turib uzilishiga yo‘l qo‘ymasligimiz kerak. Bunday xavf hozirda mavjud”, − dedi Shegolev.

Shuningdek, u Rossiya davlat, xususiy kompaniyalar va fuqarolar tomonidan internetdan foydalanish, tegishli uskuna va dasturlarni olib kelish uchun sarflayotgan ko‘p milliardlik mablag‘lari bekor ketmasligi uchun choralar ko‘rishni istashini aytib o‘tdi.