Ukrainada Oliy radaga saylovlar yakunlandi, deya xabar bermoqda Rbc.ru.
Milliy eksit-poll ma’lumotlariga ko‘ra, “Pyotr Poroshenko bloki” ovozlarning 23 foizini to‘plab saylovlarda g‘olib bo‘ldi. Keyingi o‘rinlarni Arseniy Yatsenyukning “Xalq fronti” (21,3%), Andrey Sadoviyning “O‘z-o‘ziga ko‘mak” (13,2%) partiyalari egalladi. Shuningdek, Yuliya Timoshenkoning “Batkivshchina” (5,4%), Oleg Tyagnibokning “Ozodlik” (6,3%) partiyalari, Muxolifat bloki (7,6%) hamda Radikal partiya (6,4%) ham parlamentga o‘tadi.
Oliy radaga Ukraina Kommunistik partiyasi, “O‘ng sektor” va “Kuchli Ukraina” kirmaydi.
Ukraina Markaziy saylov komissiyasining mahalliy vaqt bilan 16:00 holatiga ko‘ra xabar berishicha, saylovda ovoz beruvchilarning 40,77 foizi qatnashgan.
Saylovlarda 29 ta partiya ishtirok etdi. Qrim, Sevastopol hamda Donetsk va Lugansk viloyatlaridagi ba’zi okruglarda saylov o‘tkazilmagani sababli Ukraina parlamentidagi 30 ta o‘rin bo‘sh bo‘lib qoladi.
Izoh (0)