Ukraina va Yevropa Komissiyasi Ukrainaga gaz yetkazib berish masalasidagi Ukraina-Rossiya-Yevropa Ittifoqi formatidagi uch tomonlama muzokaralarning keyingi bosqichi uchun umumiy pozitsiyani kelishib oldi, deb xabar bermoqda “Yevropeyskaya Pravda”.

Bu Ukraina Bosh vaziri Arseniy Yatsenyuk, energetika va ko‘mir sanoati vaziri Yuriy Prodan, “Naftogaz Ukraina” kompaniyasi boshqaruv raisi Andrey Kobolev va energetika bo‘yicha Yevropa komissari Gyunter Ettinger ishtirokidagi uchrashuvdan keyin ma’lum qilingan.

Tomonlar bugun, 21-oktabr kuni Bryusselda bo‘lib o‘tadigan muzokaralar yakunida kelayotgan qishda Ukrainaga gaz yetkazib berishni va mamlakat hududidan gazni Yevropaga o‘tkazishning barqaror davom etishini kafolatlaydigan oraliq shartnoma tuzilishi kerakligi to‘g‘risida kelishib olgan.