Madridning “Real” klubi futbolchisi Ronaldu shaxsiy garaj ochsa ham bo‘laveradi: 29 yoshli o‘yinchining kolleksiyasida taxminan 20 ta avtomobil yig‘ilib qoldi, deb xabar bermoqda Championat.com.
Mercedes-Benz C-Class Sport Coupe 2004
Futbolchi kolleksiyasidagi birinchi avtomobil 2004-yilda — uning 19 yoshlik chog‘ida 23 ming yevroga sotib olingan. Bunga qadar Ronaldu “Manchester Yunayted” bilan shartnoma imzolashga va Portugaliya termasi tarkibida muvaffaqiyatlarga erishishga ulgurgan edi.
Mercedes-Benz C220 CDI 2004
O‘sha yilning o‘zidayoq futbolchi navbatdagi “Mersedes”ni 29 ming yevroga sotib oldi.
BMW M6 2006
2008-yilda 94 ming yevroga xarid qilingan.
Bentley Continental GTC 2007
“Lyuks” sinfidagi qimmatbaho avtomobilni Krishtianu 2009-yilgacha ishlatgan, keyin o‘ziga 170 ming yevroga tushgan mashinani 115 ming yevroga pullagan.
2007 Porsche Cayenne
Futbolchining uncha qimmat bo‘lmagan va unchalik eksklyuziv ham bo‘lmagan mashinasi unga “atigi” 80 ming yevroga tushgan.
Ferrari 599 GTB Fiorano 2008
Qizil “sportkar”ni Ronaldu Chempionlar Ligasining Moskvadagi finalidan ko‘p o‘tmay xarid qilgan. Biroq yarim yildan keyin uni Manchesterdagi tunnellardan birida urib olgan. So‘ng yana xuddi shunaqasidan sotib olgan. Ularning har ikkalasi ham 360 ming funt sterlingga baholanmoqda.
Audi Q7 de 2008
Kolleksiyasidagi eng katta avtomobillardan biri bo‘lgan ushbu Audi’da Ronaldu 2008-yilgi “Oltin to‘p” marosimiga borgan.
Ferrari F430 de 2008
O‘sha yili Ronaldu Ferrari markasidagi ikkinchi avtomobilini 217 ming yevroga xarid qildi.
Bentley Continental GT Speed de 2009
2009-yilda navbatdagi Bentley uchun futbolchi 159 ming yevro sarfladi.
Porsche 911 Carrera S Cabriolet de 2009
Futbolchi “Manchester Yunayted”dan “Real”ga o‘tgach ushbu kabrioletni sotib olgan.
Aston Martin DB9
Aston Martin uchun sarflagan 135 ming yevroni Ronaldu taxminan bir haftada ishlab topgan.
Koenigsegg CCX 11, 2009
Soatiga 402 kilometrga “yuguruvchi” “sportkar”ni Ronaldu 391 ming yevroga xarid qilgan.
Audi R8 2009, Audi RS6, Audi RS6 Avant 2014
Madridning “Real” klubi va Audi o‘rtasida shartnoma imzolanganini hisobga olsak, Krishtianu Ronalduning kolleksiyasi ushbu marka avtomobillari bilan tez-tez to‘lib turishi hayratlanarli emas.
Maserati GranCabrio 2011
Mazkur avtomobil futbolchiga naq 150 ming yevroga tushgan.
Bugatti Veyron
2008-yilda Ronaldu ushbu modeldagi avtomobil bilan reklamada suratga tushgan, biroz vaqt o‘tib, u futbolchining garajidan o‘rin olgan.
Ferrari 599 GTO 2011
Ferrari’ning cheklangan adadda chiqarilgan modellaridan biri darhol Krishtianuning kolleksiyasida paydo bo‘lgan.
Rolls-Royce Phantom Drophead Coupe
Devid Bekhemga havas qilib, Ronaldu ham tez orada 410 ming yevroga bunday avtomobilni xarid qildi.
Lamborghini Aventador LP 700-4, 2012
O‘zining 27 yoshiga Ronaldu qora rangli sport avtomobilini sotib olgan.
