Sharqiy Ukrainadagi g‘alayonchilar qo‘lga kiritgan shaharda sodir bo‘lgan havo hujumida Kiyev hamda Moskva bir-birini ayblamoqda. Bu haqda Euronews xabar beradi.

15-iyul, seshanba kuni Donetsk viloyatining Snejnoye shahrida sodir bo‘lgan havo hujumi natijasida bir nechta uy vayron bo‘lib, 11 nafar kishi halok bo‘lgan.

Ukrainaning aytishicha, havo hujumida Rossiyaning qo‘li bor. Ammo ayirmachilarning so‘zlariga ko‘ra, hujum Ukraina harbiy kuchlari tomonidan uyushtirilgan.

Nima bo‘lganda ham mahalliy aholi jabrlangan:

“Men tezda qochishga shaylandim va uyni yaqinda xarid qilgan yosh oilaga ko‘zim tushdi. Uning eri: ‘Mening bolam shu yerda edi!’ deb baqirdi. Hammayoq tutun edi. Tutun yo‘qolgandan so‘ng, turmush o‘rtog‘im xarobaning ichida ichki kiyimning o‘zida qolganini ko‘rdim”, — dedi portlatilgan uyning bekasi.

Rossiya ushbu mojaroda ishtirok etmayotganligini uch oydan beri inkor etishiga qaramay, Yevropa ittifoqi rahbarlari rasmiy Moskvani ahvolni yanada yomonlashishida ayblab, chorshanba kuni Bryusselda bo‘lib o‘tadigan yig‘inda unga nisbatan sanksiyalarni kuchaytirishi kutilmoqda.