“Sog‘lom avlod uchun” fondi va Koreyaning Junior Chamber International (JCI) xalqaro yoshlar tashkiloti Cha universitetining Pundan Cha shifoxonasi bilan birgalikda xayriya aksiyasini o‘tkazdi. Bu haqda UzDaily xabar berdi.

Avval xabar berilganidek, 2014-yil 26-aprel kuni Toshkent pediatriya tibbiyot institutida Koreyaning Cha universiteti qoshidagi Pundan Cha gospitalidan kelgan mutaxassislar yuragida tug‘ma nuqsoni bor 50 nafar bemorni tibbiy ko‘rikdan o‘tkazdi.

JCI tashkiloti va Pundan Cha gospitali amalga oshirgan xayriya loyihasi doirasida turli viloyatlardan kelgan 50 bemordan olti nafar 2—14 yoshli mijoz tug‘ma yurak xastaligini davolash uchun Koreya Respublikasida operatsiya qilishga taklif etildi.

Operatsiya qilinishi lozim bo‘lgan mazkur bolalar 2014-yil 13-iyul kuni Janubiy Koreyaga yo‘l oladi.