Toshkentda imom-xatiblarning Ramazonga tayyorgarlik bo‘yicha yig‘ilishi o‘tkazildi
Muborak Ramazon oyiga tayyorgarlik ko‘rish yuzasidan 7-iyun kuni Toshkent shahridagi masjid imom-xatiblari ishtirokida yig‘ilish bo‘lib o‘tdi, deya xabar beradi O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitaning rasmiy sayti.
Yig‘ilishni Toshkent shahar bosh imom-xatibi A. Tursunov olib bordi. Tadbirda Ramazon oyiga tayyorgarlik ko‘rish va uni ko‘tarinki ruhda o‘tkazish yuzasidan imom-xatiblarga zarur tavsiyalar berildi.
Jumladan, masjidlarda obodonlashtirish bo‘yicha hasharlar tashkil etish, tarovih namozini o‘z vaqtida boshlash va uni muddatini cho‘zib yubormaslik, jamoat xavfsizligini ta’minlash bo‘yicha kerakli chora-tadbirlarni ko‘rish, shuningdek, zakot, fitr va boshqa xayru-ehsonlar hisobidan mahalla oqsoqollari va faollari bilan hamkorlikda kam ta’minlangan oilalarga moddiy ko‘mak berish tadbirlarini tashkil etish bo‘yicha ko‘rsatmalar berildi.
