Rossiya prezidenti Vladimir Putin Ukraina chegarasida joylashgan o‘quv mashg‘ulotlari hududidan “qo‘shinlarni qaytarish” haqida buyruq berdi, deya Kreml xabar tarqatdi. Biroq NATO qo‘shinlarning olib ketilgani bo‘yicha hech qanday dalilni ko‘rmayotgani haqida bayonot berdi. Bu haqda Reuters xabar berdi.
7-may kuni Yevropada xavfsizlik va hamkorlik tashkiloti raisi Didye Burkxalter bilan uchrashuvda Putin Ukraina chegarasidan qo‘shinlarni ko‘chirib o‘tkazgani haqida gapirgan. “Ular poligonlardagi doimiy harbiy mashg‘ulotlar o‘tkaziladigan joyda”, — degan edi u.
G‘arb shundan keyin ham Rossiya qo‘shinlari hali hamon Ukraina chegarasida turganini ta’kidlagan. NATO esa Rossiyaning chegaradagi odamlari sonini taxminan 40 mingta deb baholab, ushbu xulosani sun’iy yo‘ldosh orqali olingan suratlar bilan isbotlagan.
Izoh (0)