Beeline aloqa operatori 17-may kuni Lotte City Hotel Tashkent Palace mehmonxonasida bo‘lib o‘tadigan “Mo‘jizalar davri” XIII xayriya ko‘rgazmasining homiysi bo‘ladi. Bu haqda kompaniya matbuot xizmati xabar berdi.
Xayriya ko‘rgazmasida 1000 dan ortiq buyumlar — suratlar, ochiq xatlar, yumshoq o‘yinchoqlar, zardo‘zlik buyumlari, nozmunchoqdan tayyorlangan va tikuvchilik mahsulotlari, applikatsiyalar, turli xil bezak buyumlari taqdim etiladi.
“‘Mo‘jizalar davri’ kabi tadbirda qatnashish nafaqat yoqimli, balki faxrlidir. Biz barcha abonentlarimizni ushbu ko‘rgazmaga taklif qilamiz, — deydi kompaniyaning matbuot kotibi Yuliya Melenteva. — Bu biz uchun yaxshi an’ana va ‘Xayrli ishlar’ loyihasining davomi bo‘ladi”.
Tadbir “Umidvorlik” imkoniyati cheklangan bolalar va ularning oilalarini qo‘llab-quvvatlash markazi va O‘zbeksiton—Yaponiya inson manbalarini rivojlantirish markazining (UJC) PMP Bitiruvchilar Klubi (A-Club) nomidan tashkil etiladi.
Xayriya ko‘rgazmasida yig‘ilgan barcha mablag‘lar ishtirokchi-tashkilotlarga bolalarning ijodiyotini yanada rivojlantirish ishlari uchun yo‘naltiriladi.
Izoh (0)