“O‘zbekneftgaz” milliy xolding kompaniyasi yil oxirigacha Qashqadaryo viloyatidagi “Muborak gazni qayta ishlash zavodi” unitar-sho‘ba korxonasida umumiy qiymati 220 million dollarga teng modernizatsiyalash ishlarini boshlaydi. Bu haqda gazeta.uz xabar berdi.
Loyihaning dastlabki texnik-iqtisodiy asosi ayni paytda hukumat tomonidan tasdiqlanmoqda, moliyalashtirish manbalari aniqlangan. Loyiha “O‘zbekneftgaz”ning 170 million dollarlik o‘z mablag‘lari hamda Taraqqiyot va tiklanish fondining 50 million dollarlik kreditlari hisobidan moliyalashtiriladi.
Ushbu loyiha umumiy quvvati yiliga 6 milliard kubometr bo‘lgan uchta universal bloklar tarkibidagi sakkizinchi navbatdagi gazni oltingugurtdan tozalash inshootlarini qurishni ko‘zda tutadi.
2013-yil martida yettinchi navbatdagi gazni oltingugurtdan tozalash loyihasi amalga oshirilgan, uning qiymati 171,8 million dollarni tashkil etgan edi.
Izoh (0)