Navoiy shahridagi kalava ip-ishlab chiqarishga ixtisoslashtirilgan “Baht-Textile” qo‘shma korxonasiga Shveysariyaning Rieter kompaniyasi zamonaviy dastgohlari keltirildi. Buning uchun 14,8 milliard so‘mlik kredit mablag‘i yo‘naltirildi. Bu haqda “Xalq so‘zi” gazetasi xabar berdi.
Yangi uskunalarning samaradorligi turdoshlariga nisbatan ikki barobar yuqori. Bu esa 2014-yilning birinchi choragida 2,75 million AQSh dollarilik mahsulotni eksport qilish imkonini berdi.
— Zamonaviy dastgohlar elektr energiyasini tejash bilan birga, jahon bozori talablariga mos kalava ip tayyorlashda qo‘l kelmoqda, — deydi qo‘shma korxona direktori Furqat Tursunov.
Ayni paytda modernizatsiyalash tadbirlari davom ettirilib, “Baht-Textile”ning yillik ishlab chiqarish quvvatini 11 ming tonnaga yetkazish ko‘zda tutilmoqda.
Izoh (0)