O‘zbekistondagi yo‘l-qurilish obyektlari Buyuk Britaniyadan keltirilgan bitum bilan ta’minlanadi

Umumiy foydalanishdagi avtomobil yo‘llarini o‘z vaqtida qurish, rekonstruksiya qilish va ta’mirlash maqsadida 2014-yil 21-aprelda Vazirlar Mahkamasi “Umumiy foydalanishdagi avtomobil yo‘llarini qurish, rekonstruksiya qilish va ta’mirlashni moddiy-xomashyo bilan ta’minlash to‘g‘risida”gi Qarori bilan  2014-yilda 159 ming tonna yo‘l bitumi sotib olish belgilandi. Bu haqda norma.uz xabar berdi.

2012-yilda “Aria Petroleum (UK) LTD” (Buyuk Britaniya) kompaniyasi bilan tuzilgan bitim doirasida qo‘lga kiritilgan yo‘l bitumining 92 ming tonnasi 2014-yilda, 67 ming tonnasi 2015-yilda ishlatiladi. Bitum uchun to‘lov Moliya vazirligi huzuridagi Respublika Yo‘l fondi hisobidan milliy valyutada amalga oshiriladi.

Yo‘l bitumini kerakli manzilga o‘z vaqtida yetkazib berish “O‘zbekiston temir yo‘llari” DATYKga yuklatildi.