Microsoft kompaniyasi Internet Explorer brauzerining 6-dan 11-gacha versiyalaridagi xatolikni bartaraf etish zaruriyati haqida e’lon qildi. Ushbu xatolik xakerlik hujumlari uyushtirishga sabab bo‘lgan. Bu haqda kompaniya xabar berdi.
NetMarketShare tahlil kompaniyasi ma’lumotiga ko‘ra, brauzerning ushbu versiyalari dunyodagi stol kompyuterlarining yarmidan ko‘pida qo‘llaniladi. StatCounter mutaxassislari esa mazkur versiyalarni 27,5 foiz foydalanuvchilargina ishlatishini aniqladi.
Xatolikdan foydalanib, yovuz niyatli kishilar tizimni buzib kirishi, fayllarni o‘chirib, zararkunanda dasturlarni o‘rnatishi va to‘laqonli foydalanuvchi huquqini beruvchi akkaunt yaratishi mumkin.
Tekshirish ishlari tugagach, Microsoft foydalanuvchilar xavfsizligi uchun zarur chora-tadbirlarni amalga oshiradi, shu jumladan xavfsizlikni yangilaydi. Biroq Windows XP operatsion tizimidagi kompyuterlar yangilana olmaydi, chunki 8-apreldan platforma rasmiy ko‘makdan uzib qo‘yildi. Mutaxassislarning fikricha, shaxsiy kompyuterlarning 15—30 foizi operatsion tizimning shu versiyasida ishlaydi.
Izoh (0)