Ukrainadagi vaziyat tufayli NATO Boltiq dengiziga beshta kema jo‘natadi, deya xabar berdi Reuters.
“NATO Sharqiy Yevropadagi ittifoqdoshlarining mudofaasini kuchaytirish uchun Boltiq dengiziga kema kiritadi”, — deyiladi alyans matbuot xizmati bayonotida. Ular Norvegiya, Niderlandiya, Belgiya va Estoniya kemalari — to‘rtta minali tral bilan jihozlangan harbiy kema va bitta ta’minot kemasidan iborat bo‘ladi.
Bundan tashqari, Kanada mintaqaga oltita CF-18 qiruvchi samolyotlari va 20 nafar shtab ofitserlarini yuboradi. Kanada bosh vaziri Stiven Xarperning ta’kidlashicha, NATO bo‘yicha ittifoqdoshlar Markaziy va Sharqiy Yevropadagi xavfsizlik va barqarorlikni mustahkamlash zaruriyati borligini tan oladi.
Izoh (0)