KXDR avvalgidek “AQSh va Janubiy Koreyaning provokatsion harakatlariga javoban mudofaa maqsadida choralar ko‘rish va yadro qurolini qo‘llash tahdidini amalga oshirishda davom etadi”, deyiladi mamlakat markaziy gazetasi “Nodon sinmun”da chop etilgan maqolada.
“ITAR-TASS” xabar berishicha, maqola 11-aprel kuni boshlanib, 25-aprelgacha davom etadigan Koreya Respublikasi va AQSh harbiy havo kuchlarining birgalikdagi Max Thunder manyovrlariga javoban chop etilgan.
“Nodon sinmun” ogohlantirishicha, AQSh va Janubiy Koreyaning “‘Shimol tomonidan xavf’ bahonasida o‘tkazilayotgan harbiy harakatlari vaziyatni keskinlashtirib, Koreya yarim orolida yadro urushi xavfini keltirib chiqarmoqda”.
“AQSh va Janubiy Koreya hukumati KXDRning kuchli inqilobiy armiyasidan shafqatsiz javob zarbasiga chap berish uchun aql bilan ish tutishi kerak”, deya ta’kidlanadi maqolada.
Koreya Respublikasi Harbiy havo kuchlari AQSh bilan hamkorlikda mamlakat hududida eng yirik harbiy o‘quv mashg‘ulotlarini o‘tkazmoqda. Ularda 1,4 ming kishi hamda F-15 rusumli 103 ta qiruvchi samolyot qatnashmoqda.
Izoh (0)