Ukrainada qarshilik ko‘rsatayotgan tomonlarning barchasi zo‘ravonlik va provokatsiyadan voz kechishi kerak, deya AQSh davlat kotibi Jon Kerri Jenevadagi to‘rt tomonlama uchrashuv xulosalarini e’lon qildi. Bu haqda “Interfaks” xabar berdi.
“Biz ekstremizm, irqchilik, boshqalarning diniga hurmatsizlikning har qanday ko‘rinishini qat’iy qoralaymiz va chetlashtiramiz, — dedi AQSh davlat kotibi.
Kerri uchrashuvda Qrimning Rossiyaga qo‘shilishi masalasi ko‘rilmaganini qayd etdi. “Biroq bu boradagi fikrlar xilma-xilligi qoldi”, — dedi u. Shuningdek, davlat kotibi agarda Ukrainadagi tanglikni hal qilish borasida progress ko‘rinmasa, Rossiyaga qarshi qo‘shimcha sanksiyalar kiritilishini ta’kidladi.
Kerri Ukrainaning mamlakatda ochiq konstitutsion islohot o‘tkazishga tayyorligini e’lon qildi. Buni uchrashuvda Ukraina TIV Andrey Deshchitsa ma’lum qilgan.
Bundan avval Rossiya TIV rahbari Sergey Lavrov Jenevadagi uchrashuv ishtirokchilari Ukrainadagi barcha noqonuniy qurollangan uyushmalarni taslim bo‘lishga chaqirganini ma’lum qilgan edi.
Uchrashuvda Ukraina, Rossiya, YeI va AQSh tashqi siyosiy idoralari rahbarlari qatnashdi. Lavrov va Kerri yuzma-yuz muzokaralar olib bordi. Uchrashuvda Ukrainadagi tanglik va undan chiqish yo‘llari muhokama qilindi.
Izoh (0)