Pridnestrovye hukumati Rossiyadan e’tirof etilmagan respublikani suveren mustaqil davlat sifatida tan olishni so‘ramoqda. Bu haqda “ITAR-TASS” xabar berdi.
Bunday murojaat Pridnestrovye Oliy kengashi tomonidan Rossiya Davlat dumasi, Federatsiya Kengashi va prezidentiga yo‘naltirildi.
Unda aytilishicha, ushbu qaror Pridnestrovyeda o‘tgan referendum natijalari asosida qabul qilingan: unda aksariyat Rossiyaga qo‘shilish va mustaqillikni yoqlab ovoz bergan.
Ta’kidlash joiz, respublika jamoatchiligi va hukumati avvallari ham Moskvaga bunday murojaatlar bilan chiqqan. Qrimning Rossiya tarkibiga kiritilishi bu masalaga yana qaytishga sabab bo‘ldi.
Deputat Vyacheslav Tobux Pridnestrovyening Qrimdan yuridik jihatdan farqlanmasligi, Rossiya bilan qo‘shilish jarayoni “qrimcha ssenariy”da bo‘lishi kerakligini ta’kidladi.
Bugun, 17-aprel kuni spiker Mixail Burla boshchiligidagi deputatlar delegatsiyasi Moskvaga jo‘nab ketib, u yerda Davlat dumasi spikeri Sergey Narishkin bilan uchrashishi xabar qilinmoqda.
Ma’lumot o‘rnida: Pridnestrovye Moldova Respublikasi tarkibiga kiruvchi tan olinmagan davlat.
Izoh (0)