AQShning Qora dengizga kiritilgan Donald Kuk esminetsi ekipaj a’zolarining 27 nafari ishdan bo‘shash haqida ariza berdi. Ular hayotlarini xavf ostiga qo‘yishni xohlamasliklarini bildirdi. Bu haqda Novorus.info xabar tarqatdi.
14-aprel, dushanba kuni Pentagon AQSh esminetsi ustidan Rossiya bombardimonchi samolyoti uchib o‘tganidan shikoyat qilgan edi. Rossiyaning Su-24 bombardimonchi samolyoti 12-aprel kuni Qora dengizga kiritilgan AQSh HDKning “Donald Kuk” esminetsiga bir necha marta juda yaqin masofada uchib o‘tgan.
“Rossiya harbiylarining bunday g‘alamisona va noprofessional harakatlari o‘z nizomlarini, shuningdek, bizning qurolli kuchlar bilan o‘zaro bitimni ham buzadi”, — dedi Uorren.
Shu bilan birga, Pentagon matbuot kotibi Rossiya Su-24’ida hech qanday qurol aniqlanmaganini ta’kidladi.
Uorrenning so‘zlariga ko‘ra, kema ekipaji a’zolari “boshlaridan kechirgan qattiq stressdan so‘ng o‘zlariga kelish uchun” psixolog bilan ishlamoqda.
Xalqaro dengiz shartnomalariga ko‘ra, Amerika kemalari Qora dengizda 14 sutkadan uzoq qolishi mumkin emas. Muddat o‘tib ketgan taqdirda, Rossiya raketa hujumini uyushtirib, AQShga urush e’lon qilmasdan turib, ularni yo‘q qilish huquqiga ega bo‘ladi. Bundan xabardor ekipaj a’zolari tabiiy ravishda hayotlari haqida tashvishlanmoqda, deb yozadi nashr.
Izoh (0)