Yaponiyada sakura daraxti muddatidan olti yil ilgari gulladi. U uzoq vaqt kosmosda bo‘lib kelgan danakdan o‘stirilgan edi, deb yozadi The Japan Times.
Sakura danagi sakkiz yil davomida Xalqaro kosmik stansiya bortida bo‘lgan. Bu davr mobaynida u Yer atrofida 4100 marta aylanib chiqqan.
Fazodan qaytgan danakni bundan to‘rt yil avval Gifu prefekturasidagi buddistlar ibodatxonasi hududiga ekishgan edi. Joriy yilning aprelida sakuraning bo‘yi to‘rt metrga yaqinlashib qoldi va u kutilmaganda gulladi. Odatda bu jarayon 10 yilga yaqin vaqt talab etar edi.
“Bu daraxtning danaklaridan hech qachon nihol unib chiqmagan. Biz juda xursandmiz, chunki bu juda qadimiy daraxt, u salkam 1250 yoshda”, – deydi ibodatxona ruhoniylaridan biri.
