Xorazm viloyatida turizm sohasini rivojlantirish bo‘yicha 2013—2015-yillarga mo‘ljallangan dasturni amalga oshirish ishlari doirasida “O‘zbekiston havo yo‘llari” Milliy aviakompaniyasi yangi muntazam yo‘lovchi tashish reyslarini joriy etish bo‘yicha bir qator loyihalarni ishlab chiqdi. Bu haqda “Jahon” axborot agentligi xabar berdi.
Endilikda 2015-yilning 25-martidan boshlab haftada bir marta Toshkent—Vena—Urganch—Toshkent yo‘nalishi bo‘yicha parvozlar amalga oshiriladi. 2015-yilning 28-martidan boshlab esa Toshkent—Myunxen—Urganch—Toshkent yo‘nalishi bo‘yicha haftalik qatnovlar amalga oshiriladi. Shuningdek, 2015-yilning 19-aprelidan boshlab haftada 2 kun amalga oshiriladigan Toshkent—Parij—Urganch parvoz qatnovi yo‘lga qo‘yiladi.
Urganch—Buxoro—Urganch yo‘nalishi bo‘yicha qo‘shimcha 3 ta reys esa 2015-yilning yoziga mo‘ljallangan harakat dasturi bo‘yicha amalga oshiriladi.
Izoh (0)