Buyuk Britaniya qirolichasi Yelizaveta II Rim papasi Fransisk bilan ilk bora uchrashdi. Turmush o‘rtog‘i shahzoda Filipp ikkalovi pontifikka Bukingem saroyi bog‘ida to‘plangan bir ko‘za asal, Shotlandiyadagi qirollik yer mulkidan keltirilgan bir shisha viski hamda o‘nta tuxum tortiq qilishdi, deya xabar beradi Associated Press.
Qirolichaning izohiga ko‘ra, u papaga biror g‘ayriodatiy sovg‘a bergisi kelgan. O‘z navbatida Fransisk ham qirolichaga ustiga xoch o‘rnatilgan tosh shar taqdim etdi. Bu sovg‘a qirolichaning evarasi shahzoda Jorjga atalgan.
Avvalroq, 3-aprel kuni Yelizaveta II Kvirinal saroyida Italiya prezidenti Jorjo Napolitano bilan birga nonushta qilgan edi. Keyin esa u Vatikanga yo‘l olib, Rim papasi bilan yarim soat suhbatlashdi.
Fransisk Anglikan cherkovini boshqaruvchi Yelizaveta II shaxsan uchrashgan beshinchi pontifik bo‘ldi, deyiladi xabarda.
