“Toshshahartransxizmat” AK tarkibidagi avtobus saroylari tomonidan 2013-yilning yoz mavsumida bolalarni dam olish va sog‘lomlashtirish oromgohlariga olib borish va olib kelish ishlari tashkil qilindi. Bu haqda “Poytaxt transporti” gazetasi xabariga asoslanib “Kun” ma’lum qildi.
2014-yilda ham ana shunday tadbirlar uchun jami 1 537 ta avtobus ajratilib, 41 ta bolalar oromgohiga 60 ming 129 nafar bolaning dam olishi va bu jarayonda har doimgidek yuqori sifatli transport xizmati ko‘rsatish rejalashtirilmoqda.
Jumladan, o‘tgan yili Orolbo‘yi mintaqasi va Qoraqalpog‘iston Respublikasidan kelgan 5 738 nafar bolani oromgohlarga olib borish va olib kelish uchun 124 ta avtobus jalb qilindi.
Avtobuslar ajratilishidan oldin har bir transport vositalari Toshkent shahar IIBB YHXB TNB xodimlari tomonidan texnik ko‘rikdan o‘tkazilib, dalolatnomalar tuzib borildi.
“Bolalarni tashish YPX xodimlari hamda avtokorxonalarning HXB xodimlari hamkorligida tashkil etilgani natijasida hech qanday yo‘l-transport hodisalari sodir etilmadi”, – deyiladi gazeta xabarida.
Izoh (0)