“O‘zbektelekom” aksiyadorlik kompaniyasi telefon tarmog‘iga ulanish to‘lovini olishni bekor qilish yo‘li bilan jismoniy shaxslarni jalb etish bo‘yicha aksiyani davom ettiradi. Aksiya 30-sentabrgacha davom ettiriladi.
Aksiya amal qilishi davrida “Universal telekommunikatsiya xizmatlarida tariflarning eng so‘nggi darajalari” 125-1/1 sonli preyskuranti 3-bo‘limi 1 va 5-moddalari, shuningdek, “Umumiy foydalanishdagi telekommunikatsiya tarmog‘ida telefon aloqasi xizmatlarini ko‘rsatish qoidalari” 78-moddasiga muvofiq aholi uchun simli abonentlik liniyasi bo‘yicha telefon tarmog‘iga ulanish xizmatini taqdim etish to‘lovsiz amalga oshiriladi.
Shu tariqa, telefonlashtirilgan va telefonlashtirilmagan binolarga simli abonentlik liniyasi bo‘yicha telefon tarmog‘iga ulanishda asosiy telefon apparati (operator tomonidan bir raqamni bir foydalanuvchiga ajratish) aksiya o‘tkazilishi davrida bepul taqdim etiladi.
Aksiya telefon tarmog‘iga ulanishning taqdim etilishi bilan bog‘liq boshqa xizmatlarga joriy etilmaydi.
Batafsil ma’lumotlarni telekommunikatsiya tarmoqlari bog‘lamalari abonentlik bo‘limidan olish mumkin.
Izoh (0)