“Sog‘lom bola yili” Davlat dasturiga muvofiq yurtimizning barcha hududlarida ijtimoiy himoyaga muhtoj oilalar, boquvchisini yo‘qotgan, nogiron bolalar holidan xabar olish, ularni qo‘llab-quvvatlash bo‘yicha keng ko‘lamli ishlar amalga oshirilmoqda. Bu haqda O‘zA xabar berdi.
Toshkentning Hamza tumanidagi “Tuzel” mahalla fuqarolar yig‘inida istiqomat qiluvchi imkoniyati cheklangan oilalarning olti nafar farzandiga sunnat to‘yi o‘tkazildi.
– Mahallamizda 7 200 nafardan ortiq aholi istiqomat qiladi, – deydi mahalla fuqarolar yig‘ini raisi Ergash Alimov. – Yoshlarning bo‘sh vaqtini mazmunli o‘tkazish, ular uchun ish o‘rinlari barpo etish, jismoniy tarbiya va sportga jalb qilish doimiy e’tiborimizda.
Tadbirda bolalarga homiylarning sovg‘alari ulashildi. Yosh sportchilarning chiqishlari, san’atkorlar ijrosidagi kuy-qo‘shiqlar barchaga ko‘tarinkilik baxsh etdi.
Izoh (0)