Франция миллий жамоаси ҳужумчиси Килиан Мбаппе ЖЧ-2026 чоракфиналидан ўрин олган Марокашга қарши ўйинда (2:0) битта гол ва битта голли узатмага муаллифлик қилди. у тариқа, “учранглилар” сардори ҳисобидаги голлар сони жорий мундиалда 8 тага етди.
Opta статистик порталининг хабар беришича, Мбаппе футбол тарихида иккита турли Жаҳон чемпионатида камида 8 тадан гол уришга муваффақ бўлган илк футболчига айланди. Эслатиб ўтамиз, ҳужумчи 2022 йили Қатарда бўлиб ўтган мундиалда ҳам шунча гол урган эди.
Франциялик футболчининг жаҳон биринчиликларида киритган умумий голлари сони 20 тага етди. Айни пайтда Мбаппе аргентиналик форвард Лионель Мессидан кейин Жаҳон чемпионатлари тарихидаги энг яхши тўпурарлар рўйхатини иккинчи поғонасини эгаллаб турибди.
Маълумот учун, Франция миллий жамоаси чоракфиналда Марокашни мағлуб этиб, яримфинал йўлланмасини қўлга киритди. “Учранглилар” ушбу босқичда Испания ва Бельгия жуфтлиги ғолибига қарши майдонга тушади.
Эслатиб ўтамиз, 2026 йилги Жаҳон чемпионати 11 июндан буён АҚШ, Канада ва Мексика яшил майдонларида бўлиб ўтмоқда. Мусобақанинг ҳал қилувчи финал баҳси 19 июль куни АҚШнинг Ист-Ратерфорд шаҳрида ўтказилади. Таъкидлаш жоизки, Аргентина миллий жамоаси мундиалнинг амалдаги ғолиби ҳисобланади.
