Испаниянинг “Реал Мадрид” клуби таркибдаги бир қанча футболчилар атрофида юзага келаётган муаммолар кучайиб бораётган бир пайтда, яқин келажакда сотилмайдиган ва тегиб бўлмас деб ҳисоблаган футболчиларини аниқлаб олди.
Унга кўра, дарвозабон Тибо Куртуа ҳамда Андрей Лунин, шунингдек, Жуд Беллингем, Феде Вальверде, Арда Гулер, Килиан Мбаппе ва Эндрик жамоанинг узоқ муддатли етакчилари ҳисобланади.
Хабарларга кўра, Винисиус Жуниор клуб билан шартномани узайтириш бўйича музокараларда юзага келаётган мураккабликлар туфайли ушбу рўйхатга киритилмаган.
Аввалроқ “қироллик клуби” янги харидларни амалга ошириш мақсадида таркибда жиддий “тозалаш” ишларини олиб бориши ҳақида хабар берилган эди.
Маълумот учун, “Реал” жорий мавсумни совринсиз якунламоқда. Жамоа Испания Кубогида иккинчи дивизион вакили “Альбасете”га мағлуб бўлган, Ла Лига чемпионлиги учун кечган курашда “Барселона”га имкониятни бой берди. Чемпионлар Лигасида “Бавария”га мағлуб бўлиб, турнир билан хайрлашди.
Унга кўра, жамоа ҳимоячилари Давид Алаба ва Антонио Рюдигер шартномаси якунлангач, эркин агент сифатида клубни тарк этиши кутилмоқда. Шунингдек, раҳбарият захира ўйинчилари Даниэль Себальос ва Гонсало Гарсияни сотиш вариантларини кўриб чиқмоқда. Жамоа сардори Дани Карвахальнинг клубдаги келажаги эса ҳозирча ноаниқлигича қолмоқда.
