Дунёга машҳур Daily Mail Англия Премьер Лигасида 2025/26-йилги мавсумнинг энг муваффақиятсиз трансферлари рўйхатини эълон қилди. Ушбу антирейтингнинг биринчи поғонасидан 55 млн фунт стерлинг эвазига “Брентфорд”дан “Ньюкасл”га ўтган ҳужумчи Йоан Висса жой олди.
Шунингдек, рейтингдан “Челси” клубининг уч нафар янги футболчиси — Алехандро Гарначо, Жейми Гиттенс ва Лиам Делап ўрин олган. Бундан ташқари, антирейтингга йирик молиявий харажатлар билан боғлиқ бошқа трансферлар ҳам киритилди. Жумладан, Александер Исакнинг “Ньюкасл”дан “Ливерпуль”га 125 млн фунт стерлинг эвазига ўтиши мавсумнинг энг омадсиз ва қиммат харидларидан бири сифатида баҳоланган.
Англия Премьер Лигасининг 2025/26-йилги мавсуми топ-10 энг муваффақиятсиз трансферлари:
- Йоан Висса — 55 млн фунт стерлинг (“Брентфорд”дан “Ньюкасл”га)
- Жеймс Макейти — 30 млн фунт стерлинг (“Манчестер Сити”дан “Ноттингем Форест”га)
- Ҳарви Эллиотт — ижара (“Ливерпуль”дан “Астон Вилла”га)
- Александер Исак — 125 млн фунт стерлинг (“Ньюкасл”дан “Ливерпуль”га)
- Алехандро Гарначо — 40 млн фунт стерлинг (“Манчестер Юнайтед”дан “Челси”га)
- Жон Арьяс — 15 млн фунт стерлинг (“Флуминенсе”дан “Вулверҳэмптон”га)
- Конор Галлаҳер — 35 млн фунт стерлинг (“Атлетико”дан “Тоттенҳэм”га)
- Жейми Гиттенс — 48,5 млн фунт стерлинг (“Боруссия Д”дан “Челси”га)
- Хави Симонс — 52 млн фунт стерлинг (“РБ Лейпциг”дан “Тоттенҳэм”га)
- Лиам Делап — 30 млн фунт стерлинг (“Ипсвич”дан “Челси”га)
Маълумот учун, 2025-йилнинг ёзида трансферлар учун энг кўп харажат қилган жамоа “Ливерпуль” бўлди. “Мерсисайдликлар” янги ўйинчиларни харид қилиш учун жами 481,35 миллион евро сарфлаган.
