Мадриднинг “Атлетико” клуби ҳужумчиси Антуан Гризманн мавсум якунлангач, жамоани тарк этади. Таниқли инсайдер Фабрицио Романо хабаига кўра, франциялик футболчи жаҳон чемпионатидан сўнг АҚШнинг “Орландо Сити” клубига ўтади.
MLS жамоаси март ойида футболчи билан шартнома имзолай олмаганидан сўнг, ёзда уни эркин агент сифатида сафига қўшиб олиш бўйича франциялик юлдуз билан оғзаки келишувга эришган. Шу ҳафтада Гризманн АҚШга йўл олади ва у ерда расмий шартномага имзо чекиши кутилмоқда.
Гризманнинг “Орландо” билан келишуви 2 йилга мўлжалланган. Клуб Антуанга 7-рақам остида тўп суришни таклиф қилган.
Маълумот учун, Антуан Гризманн жорий мавсумда “Атлетико” сафида жами 43 та ўйинда майдонга тушиб, 13 та гол ва 4 та голли узатма муаллифига айланган. Transfermarkt портали унинг қийматини 10 миллион еврога баҳоламоқда.
