Саудия Арабистонининг “Ал-Аҳли” клуби “Реал Мадрид” ҳужумчиси Винисиус Жуниорга 1 миллиард евролик шартнома таклиф қилди. Бу ҳақда журналист Бен Жейкобс ўзининг ижтимоий тармоқлардаги саҳифасида маълум қилган.
Манбага кўра, “Ал-Аҳли” 25 ёшли бразилиялик футболчини ёзги трансфер ойнаси вақтида ўз сафига қўшиб олишни мақсад қилган. Айни пайтда томонлар эҳтимолий трансфер юзасидан музокаралар олиб бормоқда. Агар футболчи ва Жидда клуби келишувга эриша олса, футболчи ёзда фаолиятини Саудия чемпионатида давом эттириши мумкин.
Аввалроқ Винисиус “Реал”да қолиш истагини билдирган ва клуб билан шартномани узайтиришга тайёр эканини айтганди. Бироқ саудиялик инвесторларнинг қатъий позицияси вазиятни ўзгартириши мумкин.
Маълумот ўрнида Винисиус Жуниор 2018-йилда “Фламенго”дан “Реал”га 45 миллион евро эвазига кўчиб ўтган. Жорий мавсумда ҳужумчи “қироллик клуби” жами 30 та ўйинда майдонга тушиб, ўз ҳисобига 7 та гол ва 11 та голли узатма ёздириб қўйган. Футболчининг “Реал” билан амалдаги шартномаси 2027 йил ёзигача мўлжалланган. Transfermarkt портали Винисиуснинг бозор қийматини 150 миллион еврога баҳоламоқда.
