Мадриднинг “Реал” клуби ҳужумчиси Килиан Мбаппе Европа Чемпионлар Лигаси 2025/26-йилги мавсуми 7-туридан ўрин олган “Монако”га қарши кечган учрашувда (6:1) дубль қайд этиб, тарихий натижани такрорлади.
Мбаппе жорий мавсум Чемпионлар Лигаси доирасидаги баҳсларда жами 11 та гол урди. Opta Sport маълумотига кўра, бу кўрсаткич мусобақанинг гуруҳ босқичларида қайд этилган энг яхши натижа ҳисобланади. Аввалроқ бундай натижани фақатгина португалиялик юлдуз Криштиану Роналду 2015/16-йилги мавсумда қайд этган эди.
Маълумот ўрнида, Мбаппе жорий мавсум барча мусобақалар доирасида жами 26 та учрашувда майдонга тушиб, ўз ҳисобига 30 та гол ва 5 та голли узатма ёздириб қўйган. Унинг клуб билан шартномаси шартномаси 2029-йилнинг ёзига қадар амал қилади. Transfermarkt портали Мбаппенинг қийматини 200 миллион еврога баҳолаган.
Эслатиб ўтамиз, аввалроқ Мбаппе 2025-йилда энг кўп гол урган футболчига айлангани ҳақида хабар берилган эди. Унга кўра, франциялик ҳужумчи ўтган бир календарь йили давомида 59 та гол уриб, Криштиану Роналдунинг 2013-йилда қайд этган натижасини такрорлаган.
