Мадриднинг “Реал” клуби ҳужумчиси Килиан Мбаппе УЕФА Чемпионлар Лигаси гуруҳ босқичининг 6-тури доирасидаги “Манчестер Сити”га қарши ўйин олдидан машғулотни жароҳат олди. Бу ҳақда журналист Марио Кортегана ўзининг X (собиқ Twitter) саҳифасида маълум қилди.
Унга кўра, франциялик футболчи ЕЧЛ доирасидаги навбатдаги учрашувда майдонга тушмаслиги мумкин. Шунингдек, “Реал”нинг умумий машғулотларида ярим ҳимоячи Эдуарду Камавинга ҳам иштирок этмади. Аммо унинг нима сабабдан қатнашмагани маълум эмас.
Маълумот учун, “Реал” ҳамда “Манчестер Сити” ўртасидаги учрашув 10 октябрь куни Мадриддаги “Сантиаго Бернабеу” стадионида бўлиб ўтади. Ўйинда франциялик Клеман Тюрпен бош ҳакам сифатида ишлайди. Учрашув Тошкент вақти билан соат 01:00 да бошланади. Айни пайтда “қироллик клуби” 12 очко билан турнир жадвалининг 5-поғонасини эгаллаб турибди. “Манчестер Сити” эса 10 очко тўплаган ҳолда 9-ўриндан жой олган.
Эслатиб ўтамиз, Чемпионлар Лигаси финали 2026 йил 30 май куни Будапештдаги “Пушкас Арена” стадионида бўлиб ўтади.
