Испания кубогининг 2025/2026 йилги мавсуми 1/8 финал босқичи учун қуръа ташланди. Унга кўра “Реал Мадрид” Сегунда вакили “Альбасете”га қарши баҳс олиб боради. Ушбу жамоа аввалги босқичда “Сельта”ни мусобақадан чиқариб юборган эди. “Барселона” эса Сегунданинг жорий мавсум етакчиси “Расинг” клубини синовдан ўтказади.
Испания кубоги 1/8 финал жуфтликлари:
- “Депортиво” — “Атлетико Мадрид”;
- “Расинг” — “Барселона”;
- “Културал Леонеса” — “Атлетик Бильбао”;
- “Альбасете” — “Реал Мадрид”;
- “Бургос” — “Валенсия”;
- “Бетис” — “Элче”;
- “Реал Сосьедад” — “Осасуна”;
- “Алавес” — “Райо Вальекано”.
Испания кубоги 1/8 финал учрашувлари 13–15 январь кунлари оралиғида ўтказилади.
Испания кубогининг амалдаги ғолиби — “Барселона” ҳисобланади. Ўтган мавсум финалида каталонияликлар Мадриднинг “Реал” клубини қўшимча вақтда 3:2 ҳисобида мағлуб этган. “Барселона”, шунингдек, мусобақанинг энг кўп совринга эга клуби бўлиб, жамоа ҳисобида 32 та кубок мавжуд. “Атлетик Бильбао” Испания кубогини 24 марта, “Реал” Мадрид эса 20 марта қўлга киритган.
