Венесуэла Бразилия билан чегарани ёпди. Бу ҳақда О Globo газетаси Бразилия полициясига асосланиб, хабар бермоқда.
Нашрнинг Бразилия армиясидаги манбаларига кўра, чегаранинг ёпилиши АҚШ томонидан қилинган ҳужум туфайли Венесуэла томонида юз берган.“Шанба куни эрталаб Рорайма штатининг Пакарайма ҳудудида Бразилия ва Венесуэла ўртасидаги чегара ёпилди”, дейилади хабарда.
Бразилия томонидан юқори лавозимли зобит журналистларга Бразилия томони чегарани ёпиш учун ҳеч қандай ҳаракат қилмаганини, у “одатдаги тартибда ишлаётганини” маълум қилган.
АҚШ президенти Дональд Трамп илгари АҚШ кучлари 3 январь куни Венесуэлага зарба берганини тасдиқлади. Шунингдек, у мамлакат раҳбари Николас Мадуро рафиқаси билан бирга Delta махсус бўлинмаси жангчилари томонидан қўлга олиниб, Венесуэладан олиб чиқиб кетилганини айтди.
Сўнгги маълумотларга кўра, Каракасда камида 11 та ҳарбий ва фуқаролик объектига, жумладан, ҳарбий базалар, аэропортлар, мамлакат парламенти биноси, шунингдек, Уго Чавес мақбарасига ҳужум уюштирилган.
АҚШ президентининг миллий хавфсизлик бўйича маслаҳатчиси Марко Рубио президент Николас Мадуро ҳибсга олинганидан сўнг Вашингтоннинг Венесуэлага нисбатан кейинги ҳаракатлари кутилмаётганини билдирди.
